كۈن كۆرمەك

مەنىداش سۆزلۈكلەر ياشىماق، جان باقماق، ھايات كەچۈرمەك. ئۇنىڭغا ئېيت، مېنى كۈن ئالغىلى قويسۇن. شەمشىدىن تېخى يېقىندىلا بۇ مەھەللىگە كۆچۈپ كەلگەن ۋە ساماۋارخانا ئېچىپ كۈن كەچۈرۈشكە باشلىغانىدى. كۈن كۆرمىگەن كۈن كۆرسە، كۈندۈزى چىراغ ياندۇرار. ئۇنىڭ كۆرۋاتقان كۈنىمۇ چاغلىق. ئۇ ئارانلا ئۆز قورسىقىنى بېقىپ كېلىۋاتىدۇ. مەنىداش سۆزلۈكلەر بۇ دۇنيادا مەۋجۇت تۇرماق. كۆپ ياشىغان بىلمەس، كۆپ كۆرگەن بىلەر. مېنىڭ ياشاش پەلسەپەم - ئىشلەش. شۇنداق ياشىغىنكى، سەن بولساڭ شەرقتە، ساڭا دۇئا قىلسۇن ئادەملەر غەربتە. مېنىڭ ياشاشتىكى مەقسىتىم باشقىلارنى تېخىمۇ گۈزەل ھايات كەچۈرۈشكە ئېرىشتۈرۈش. تۇرمۇش كەچۈرۈش - چوڭ جەڭ. كۈن كۆرۈش ئۈچۈن ئىشلەشتىن باشقا ئامال يوق. تىرىكچىلىك قىل. تۇرمۇشۇڭنى ياخشى ئۆتكۈز. ئۆمۈر سۈرمەك ئاسان ئەمەس. قارشى مەنىلىك سۆزلەر ئۆمۈر سۈرمەك، تىرىكچىلىك قىلماق. ئۆلمەك ياشاشتىن توختىماق، ھاياتلىق پائالىيىتى تۈگىمەك، جاندىن جۇدا بولماق. قەدەھتە ئۆلگەنلەر دېڭىزدا ئۆلگەنلەردىن جىق. يىغلاپ يۈرۈپ ياشىغۇچە، ناخشا ئېيتىپ ئۆلگەن ياخشى. يېيىش ئۈچۈن ياشىماي، ياشاش ئۈچۈن يە. ئۆلمەك ئاسان، ياشىماق تەس. تەقدىرگە تايىنىپ ياشىماي، تەدبىرگە تايىنىپ ياشا. بۆرىنىڭ ئۆلگىنى - قوينىڭ كۈن كۆرگىنى. بىرى ئۆلمىگۈچە بىرى كۈن كۆرمەس. كۈننىڭ سېرىقىنى كۆرەي دېسەڭ، ئىشلە. توشقاندەك يۈز يىل ياشىغۇچە، يولۋاستەك بىر يىل ياشا.