كورۇلىۋا ۋىكتورىيىنىڭ مۇراجىئەتنامىسى

دۇنيا تارىخى 维多利亚女王文告 wéi duō lì yà nǚ wáng wén gào ئەنگلىيەنىڭ كورۇلىۋاسى ۋىكتورىيە 1858 - يىلى 11 ـ ئاينىڭ 1 ـ كۈنى جاكارلىغان پەرمان بولۇپ، ھىندىستاندىكى كەڭ كۆلەملىك مىللىي قوزغىلاڭنى بېسقتۇرۇش، بەگلىكلەرنىڭ ۋاڭ - گۇڭلىرى ۋە فېئودال پومىشچىكلارنىڭ كۆڭلىنى ياساش، ئەنگلىيەنىڭ ھىندىستاندىكى ھۆكۈمرانلىقىنى كۈچەيتىشنى مەقسەت قىلغان. پەرماندا ئەنگلىيە پادىشاھنىڭ شەرقىي ھىندىستان شىركىتىدىن ھىندىستان زېمىنىنى باشقۇرۇشنى تاپشۇرۋالغانلىقى، مۇئاۋىن پادىشاھ تەسىس قىلىپ، ئۇنىڭ كورۇلىۋاغا ۋەكالىتەن بىۋاستە ھۆكۈمرانلىق قىلىشقا ئۆزگەرتكەنلىكى؛ شەرقىي ھىندىستان شىركىتى بەگلىكلەرنىڭ بەگ - خوجىلىرى بىلەن ئىمزالىغان شەرتنامىلەرنى ئېتىراپ قىلىدىغانلىقى ۋە ئۇلارغا ئەمەل قىلغانلىقى، ھىندىستان بەگ - خوجىلىرىنىڭ ھوقۇقى، ئابروي ۋە شان - شەرىپىگە ھۆرمەت قىلىدىغانلىقى؛ ھىندىستاننىڭ قەدىمكى ئۆرپ - ئادەتلىرىگە ھۆرمەت قىلىدىغانلىقى؛ زېمىنىنى يەنە كېڭەيتىشنى كۆزلىمەيدىغانلىقى؛ ھىندىستاندىكى قوزغىلاڭچى ئارمىيە ۋە خەلقنى ئومۇمىي كەچۈرۈم قىلىدىغانلىقى (ھۆكۈم قىلىنغان جىنايەتچىلەر ئۇنىڭ سىرتىدا)؛ خەلقنىڭ دىنىي ئېتىقاد ۋە چوقۇنۇشىغا ئارىلاشمايدىغانلىقى، ھەممە ئادەمنىڭ ئىرق ياكى ئېتىقاد ئايرىماي، تەربىيلىنىش دەرىجىسى، خىزمەت ئىقتىدارى، ئەخلاق - پەزىلىتىگە قاراپ ھۆكۈمەت خىزمىتىنى ئۈسىتگە ئالالايدىغانلىقى قاتارلىقلارنى جاكارلىغان. مۇراجىئەتنامە ھىندىستاننىڭ فېئودال يۇقىرى تەبىقە ئۇنسۇرلىرىنى ئەنگلىيىگە قارشى قوزغىلاڭ سېپىدىن ئايرىلىشقا قىزىقتۇرغان.