كەلگۈسىدىكى يوللار قانداق ياسىلىدۇ؟

نېمە ئۈچۈن يۇقىرى سۈرئەتلىك تاشيولنىڭ يۈزى بەك سىلىق بولۇپ كەتمەسلىكى لازىم. چۈنكى ئاپتوموبىل تېز سۈرئەتتە كېتىۋاتقاندا، يول يۈزى سەل يىرىكرەك بولسا، تېيىلىپ كېتىشىنىڭ ئالدىنى ئالغىلى بولىدۇ. شۇڭا يول ياساش تېخنىك خادىملىرى يول يۈزىگە ھەر خىل رەسىملەرنى ۋە گۈللۈك سىزىقلارنى لايىھىلەيدۇ، يەنە كاۋچۇك دانىچىلىرى بىلەن سېمونتنى ئارىلاشتۇرۇپ مەخسۇس ئىشلىتىلىدىغان خىمىيىلىك يېلىمغا قوشۇپ، يول يۈزىگە چاپلىۋېتىدۇ. بۇ خىل يولدا تېيلىپ كېتىشنىڭ ئالدىنى ئالغىلى بولۇپلا قالماي يەنە بۇ خىل يول ناھايىتى چىداملىق بولىدۇ، مۇستەھكەملىكى ئاسفالىت يولدىن خېلىلا يۇقىرى بولىدۇ. كەلگۈسىدە يەنە <رەڭلىك تاشيول> ياسىلىدۇ، بۇنىڭ بىلەن ئاپتوموبىللارنىڭ يول يۈرۈشى تېخىمۇ بىخەتەر بولىدۇ. ئۇخشاشمىغان يوللارنىڭ ئەھۋالىغا ئاساسەن، يول ياساش تېخنىك خادىملىرى تاشيولنى ھەر خىل رەڭلەر بىلەن ئايرىم - ئايرىم بويىسا، شوپۇرلاردا رەڭنىڭ بىر خىللىقىدىن كېلىپ چىقىدىغان بىزار بولۇش، جىددىيلىشىش، ئالدىراپ كېتىشتەك تەسىرلەرنى تۈگەتكىلى بولىدۇ. مەسىلەن، شەھەرگە يېقىن يول بۆلىكىنى ئىللىق رەڭ (مەسىلەن، قىزىل رەڭ) بىلەن بوياپ قويغاندا، شوپۇرنىڭ ھوشيارلىقىنى ئاشۇرۇپ، ئاپتوموبىلنى ئېھتىيات بىلەن ھەيدىگىلى بولىدۇ. تەكشى يول بۆلىكىنى سوغۇق رەڭ(مەسىلەن، كۆك رەڭ) بىلەن بوياپ قويغاندا، شوپۇردا ئازادىلىك تۇيغۇسى پەيدا قىلغىلى بولىدۇ؛ يەنە ئوخشاشمىغان رەڭلەر بىلەن يولنىڭ كۆتۈرۈلۈش، پەسىيىش، بۇۇرلۇش قاتارلىق ئەھۋاللىرىنى ئېنىق كۆرسىتىپ بەرگىلى بولىدۇ. كەلگۈسىدە يەنە كېچىسى يۈرىدىغان يوللار بىلەن ئاپتوموبىللارنىڭ كېچىسى يول يۈرگەندىكى بىخەتەرلىكىگە كاپالەتلىك قىلغىلى بولىدۇ. بۇلاردىن باشقا يەنە شاۋقۇننى يوقىتالايدىغان - <ئاۋاز يوقىتىدىغان يول>، ئاپتوموبىلنىڭ تاشيولغا بولغان بېسىمىدىن پايدىلىنىپ توك چىقىرىدىغان، چىقارغان توك بىلەن يولنى يورۇتقىلى بولىدىغان <ئېلېكتر ئېنىرگىيىلىك يول>؛ ئېلېكترونلۇق كونترول قىلىنىدىغان يول؛ سۇدىن مۇداپىئەلىنىدىغان يول قۇرۇلۇشىدا ئۈزلۈكسىز ئىشلىتىلىشىگە ئەگىشىپ، كەلگۈسىدە تېخىمۇ كۆپ يېڭى يوللار بارلىققا كېلىدۇ.