كارلىسباد قارارى

دۇنيا تارىخى 卡尔斯巴德决议 kǎ ěr sī bā dé jué yì گېرمانىيە ئىتتىپاقى ھۆكۈمتىنىڭ بۇرژۇئا ئىلغار ئەربابلىرىغا زىيانكەشلىك قىلىش ۋە دېموكراتىك ھەرىكەتلىرىنى باستۇرۇش توغرىسىدىكى قارارى. 1819 - يىل 8 - ئاينىڭ 31 - كۈنى، ئاۋستىرىيە، پروسىيە، ساكسونىيە، ھاننوۋېر قاتارلىق ئون شتات كارلىسبادتا پەۋقۇلئاددە يىغىن چاقىرىپ، ھەرقايسى شتاتلاردىكى دېموكراتىك ھەرىكەتلەرنى باستۇرۇش توغرىسىدا قارار ماقۇللىغان. شۇ يىلى 9 - ئاينىڭ 20 - كۈنى، فرانكفورت ئىتتىپاق پارلامېنتى تەرىپىدىن تەستىقلانغان. بۇ قاراردا ئىتتىپاق ھۆكۈمىتى ھەرقايسى شتاتلاردا ئىنقىلابچىلارنى قولغا ئېلىشقا، ئۇنىۋېرسىتېتلاردا قاتتىق نازارەتنى يولغا قويۇشقا، ئىلغار ئوقۇتقۇچىلارنى مەكتەپلەردىن ھەيدەپ چىقىرىشقا، ئىنقىلابىي گېزىت - ژورناللارنى پېچەتلەشكە، ستۇدېنتلار ئۇيۇشمىلىرىنى ئەمەلدىن قالدۇرۇشقا ھوقۇقلۇق ۋە يەنە شتاتلارنىڭ <قانۇنىي تەرتىپى> قورال كۈچى بىلەن ساقلىنىدۇ، دەپ بەلگىلەنگەن.