جوسېف

تارىخ 约瑟 yuē sè دۇنيا تارىخى 约瑟夫一世 yuē sè fū yí shì (1678 - 1711) ئاۋسترىيە كورۇلى، مۇقەددەس رىم ئىمپېرىيىسىنىڭ ئىمپېراتورى (1705 - 1711). ئۇ تەختكە چىققاندىن كېيىن ئاتىسى لېئوپولىد Ⅰ قوزغىغان ئىسپانىيە پادىشاھلىقىنىڭ تەختىگە ۋارىسلىق قىلىش ئۇرۇشىنى داۋاملاشتۇرغان. ئۇزاق ۋاقىت داۋام قىلغان ئۇرۇش پەيدا قىلغان مالىيە كرىزىسىنى تۈگىتىش ئۈچۈن ھابىسبۇرگ خاندالىقى زېمىنى دائىرىسىدە مېركانتلىزم سىياسىتى يولغا قويغان. دۇنيا تارىخى 约瑟二世 yuē sè èr shì (1741 - 1790) ئاۋسترىيە كورۇلى، مۇقەددەس رىم ئىمپېرىيىسى ئىمپېراتورى (1765 - 1790 ). 1765 - 1780 - يىللىرى ئاپىسى مارىيە تېرېسا بىلەن بىرگە دۆلەت ھاكىمىيىتىنى باشقۇرغان. 1780-يىلى ھاكىمىيەتنى ئۆزى تۇتقاندىن كېيىن، <تەرەققىيپەرۋەر پادىشھلىق تۈزۈمى> نى يولغا قويۇپ، ئىچكى جەھەتتە بىر يۈرۈش ئىسلاھات ئېلىپ بارغان. مالىيە كىرىمىنى ئاشۇرۇش ئۈچۈن، قوغدىنىش چېگرا بېجى، سودا - سانائەتنى راۋاجلاندۇرۇشقا رىغبەتلەندۈرۈش سىياسىتىنى يولغا قويغان، يېزىلاردىكى زىددىيەتلەرنى پەسەيتىش ئۈچۈن، 1781-يىلى <پۇقرالارغا ئىجازەت پەرمانى> نى ئېلان قىلىپ، ابىسبۇرگ ۋارىسلىق زېمىنى دائىرىسىدە دېھقانلارنىڭ جىسمانىي بېقىندىلىقىنى بىكار قىلغان؛ 1789-يىلى يەنە <باج - خىراج ئىجازەت پەرمانى> نى ئېلان قىلىپ، دېھقانلارنىڭ باج تۆلەش ئۆلچىمىنى بەلگىلەپ، ئاقسۆڭەكلەرنىڭ ئىمتىيازىغا چەك قويغان. ھوقۇقنى مەركەزلەشتۈرۈشنى كۈچەيتىش ئۈچۈن، ئاۋستىريە ھۆكۈمرانلىقى ئاستىدىكى فېئودال خوجىلىق زېمىنىنى 13 رايونغا بۆلۈپ، ئايرىم - ئايرىم ھالدا مەركەز ئەۋەتكەن باش ۋالىينىڭ باشقۇرشىغا ئۆتۈزۈپ بەرگەن ھەمدە ھەرقايسى مىللىي رايوندا نېمىسلاشتۇرۇشنى يولغا قويغان. چېركاۋنىڭ بىر قىسىم مال - مۈلۈكلىرىنى مۇسادىە قىلىپ، دەھرىي مائارىپىنى راۋاجلاندۇرۇپ، كاتولىك دىنىنڭى تەسىرى كۈچىگە چەك قويغان. سىرتقا قارىتا روسىيىگە يېقىنلىشىش، پرۇسسىيىگە قارشى تۇرۇش سىياسىتىنى يولغا قويۇپ، ئاۋسترىيىنىڭ گېرمانىيە ۋە ياۋروپادىكى ئورنىنى كۈچەيتىشكە ئۇرۇنغان. 1772-يىلى بىرىنچى قېتىملىق پولشانى بۆلۈشۈۋېلىش ھەرىكىتىگە پائال قاتناشقان. 1781-يىلى ئاۋسترىيە - روسىيە ئىتتىپاقىنى تۈزۈپ، تۈركىيە ھۆكۈمرانلىقى ئاستىدىكى بالقان ئەللىرىنى بىرلىكتە بۆلۈشۈۋالماقچى بولغان، بىراق ئۇلارنىڭ تۈركىيىگە قىلغان ئۇرۇشلىرى، ئۇدا مەغلۇپ بولۇپ ئىشقا ئاشمىغان. ئۇ ئۆلگەندىن كېيىن يولغا قويغان ئىسلاھاتلىرىنىڭ ھەممىسى ئەمەلدىن قالدۇرۇۋېتىلگەن.