«جىيا» توغرىسىدا رىۋايەت

ئەپسانىلار جىيا _ خوتەن رايونىدىكى يۇرتنىڭ ئىسمى. بۇرۇنقى زاماندا بىر ئۇلۇغ زات قاراڭغۇ تاغ تەرەپتىن ھاسىسىنى جىياپ باشتىن ئاياققا ماڭغان ئىكەن. بۇ زاتنىڭ ھاسسى جىيىغا ئىزدىن چوڭ بىر ئۆستەڭ ھاسىل بولۇپ، شارقىراپ سۇ ئېقىپتۇ. بۇ زات ھاسسىنى جىياپ تەكلىماكان قۇملۇقىنىڭ يانلىرىغا كەلگەندە، غايىبتىن بىر ئاۋاز چىقىپتۇ - دە، شۇ يەردە كەينىگە قاراپ توختاپتۇ ھەمدە ھاسىسىنى شۇ يەرگە سانچىپ قويۇپ ۋاپات بوپتۇ. جەسىدى شۇ ھاسا تۈۋىگە كۆمۈلۈپ، ھاسا ئۇنىڭ قەۋرى بەلگىسى بوپتۇ. بۇ يەرگە سۇ كەلگەندىن كېيىن باغۇ بوستانلىققا ئايلىنىپ، كىشىلەر ئولتۇراقلىشىشقا باشلاپتۇ. شۇنىڭ بىلەن بۇ جايغا «جىيا» دەپ ئىسىم قويۇلۇپتۇ.