ھۇشبېرگ

دۇنيا تارىخى (1853 - 1885) تەخەللۇسى ل.رىشتېر. گېرمانىيىلىك سوتسىيال ئىسلاھاتچى. كاتتا سودىگەر ئائىلىسىدىن كېلىپ چىققان. 1876 - يىلى گېرمانىيە سوتسىيال ئىشچىلار پارتىيىسىگە كىرگەن. ئىسلاھاتچىلىق خاھىشىغا ئىگە نۇرغۇن گېزىت - ژۇرناللارنى چىقارغان ۋە ئۇنىڭغا ياردەم بەرگەن. 1878 - يىلى <سوتسىيالىستلارغا قارشى پەۋقۇلئاددە قانۇن> ئېلان قىلىنغاندىن كېيىن، شۋېتسارىيىدە سىچرام ۋە بېرنىشتېيىن بىلەن بىرلىشىپ، پارتىيىگەقارشى تەشكىلات - <سىيۇرىخ ئۈچ كىشىلىك گۇرۇھى> نى قۇرغان. پارتىيىگە قارشى ژۇرنال - <ئىجتىمائىي پەن ۋە ئىجتىمائىي سىياسىي يىللىق مەجمۇئەسى> نى چىقىرىپ، <گېرمانىيىنىڭ سوتسىيالىستىك ھەرىكىتىگە نەزەر> دېگەن پارتىيىگە قارشى پروگراممىنى ئېلان قىلغان. ئىسلاھاتچىلىق ۋە تەسلىمىچىلىك قارىشىنى تەشۋىق قىلىپ، گېرمانىيە سوتسىيالىستىك ئىشچىلار پارتىيىسىگە زور زىيان كەلتۈرگەن.