ھايۋانلار جۇغراپىيىسى

بىئولوگىيە 动物地理学 dòngwùdìlǐxué ھايۋانلارنىڭ تارقىلىش قانۇنىيىتىنى تەتقىق قىلىدىغان پەن. ئۇنىڭ ۋەزىپىسى، ھازىرقى ۋە قەدىمكى ھايۋانلارنىڭ جۇغراپىيىلىك تارقىلىشى، شەكىللىنىش ئامىلى ۋە قانۇنىيىتىنى تەتقىق قىلىش، ھازىرقى ھايۋانلار رايون سىستېمىسىنىڭ شەكىللىنىش ۋە تەرەققىي قىلىش جەريانىنى شەرھلەشتىن ئىبارەت. ئۇ تۈرنىڭ شەكىللىنىش جەريانىنى تەتقىق قىلىشتا مۇھىم نەزەرىيىۋى ئەھمىيەتكە ئىگە. ئەمەلىيەتتە، ئۇۋچىلىق، بېلىقچىلىق، دېھقانچىلىق ۋە ئورمانچىلىق ئىشلەپچىقىرىشنى تەرەققىي قىلدۇرۇش، پارازىت قۇرت ۋە يۇقۇملۇق كېسەللىك قوزغاتقۇچىلارنى ئېلىپ يۈرگۈچى ھايۋانلارنى تەتقىق قىلىش، ھەمدە ياۋايى ھايۋانلار مەنبەلىرىنى قوغداش، پايدىلىنىش، كۆندۈرۈش ۋە ھايۋانلار رايون سىستېمىلىرىنى ئۆزگەرتىش قاتارلىق خىزمەتلەردە يېتەكچىلىك قىلىش رولىغا ئىگە.