古斯塔夫四世

دۇنيا تارىخى گۇستاۋ Ⅳ (1778 - 1837) شۋېتسىيە كورۇلى (1796 - 1809). 1792 - يىلى ئاتىسى گۇستاۋ Ⅲ ئۆلگەندىن كېيىن، ئۇنىڭ تاغىسى كىنەز چارلېس ھوقۇقنى ئىگىلىگەن. 18 ياشقا توشۇپ تەختكە رەسمىي ۋارىسلىق قىلغاندىن كېيىن، ئەنگلىيە بىلەن فرانسىيىگە قارشى ئىتتىپاق تۈزگەن (1805 - 1807) ھەمدە چوڭ قۇرۇقلۇقنى قامال قىلىشقا قاتنىشىشنى رەت قىلغان. مەملىكەت ئىچىدە ئېنىسكىفتې تۈزۈمىنى قوللانغان ھەمدە مۇستەبىت ھۆكۈمرانلىقنى يۈرگۈزگەن. سىرتقا قارىتا فرانسىيگە قارشى ئۇرۇش (1805 - 1807) ۋە روسىيىگە قارشى ئۇرۇش (1808 -1809) قىلىپ، كۆپ قېتىم مەغلۇبىيەتكە ئۇچراپ، شۋېتسىيەنىڭ فىنلاندىيە ھەمدە بالتىق دېڭىزنىڭ جەنۇبىي قىرغىقىدىكى زېمىنلىرىنى قولدىن بېرىپ قويغان. 1809 - يىلى 3 - ئاينىڭ 13 - كۈنىدىكى سىياسىي ئۆزگىرىشتە قولغا ئېلىنىپ، پادىشاھلىق ئورنى تارتىۋېلىنغان ھەمدە دۆلەت چېگرىسىدىن چىقىرىۋېتىلگەن. ئىلگىرى - كېيىن بولۇپ گېرمانىيە ۋە شۋېتسارىيىلەردە مۇھاجىر بولۇپ ئولتۇراقلىشىپ، يېزىقچىلىق بىلەن شۇغۇللانغان. ئۇنىڭ <پولكوۋنىك گۇستاۋ ئەسلىمىلىرى> ناملىق ئەسىرى بار.