غاز ئوتى

شىنجاڭنىڭ ئۆسۈملۈكلىرى 仙鹤草 xiān hè cǎo بۇ ئەتىرگۈل ئائىلىسىدىكى كۆپ يىللىق سامان غوللۇق، غاز ئوتىغا ئۇرۇقداش ئۆسۈملۈك بولۇپ، غولى تىك، ئېگىزلىكى 5.0 ~ 1 مېتىر كېلىدۇ، پۈتۈن تېنىدە ئاق سېرىق يۇمشاق تۈكچىلىرى بولىدۇ؛ يوپۇرمىقى نۆۋەتلىشىپ ئۆسكەن، تاق سانلىق پەيسىمان مۇرەككەپ يوپۇرماق، كىچىك يوپۇرماقچىلىرى چوڭ - كىچىك ئىككى خىل بولىدۇ ۋە ئارىلاپ نۆۋەتلىشىپ ئۆسىدۇ، گىرۋىكى چوڭ ھەرە چىشىسىمان بولۇپ، ئىككى تال يوپۇرماق تېگى بولىدۇ؛ ئومۇمىي گۈل رېتى ئۇچىدا ياكى قولتۇقىدا ئۆسىدۇ، گۈلى سېرىق، گۈل تاجىسى بەش تال، مېۋىسى ئورۇق مېۋە. دورىغا بۇ ئۆسۈملۈكنىڭ يەر ئۈستى قىسمى ئىشلىتىلىدۇ. بۇ ئۆسۈملۈكنى يازدا ۋە كۈزدە ئورۇۋېلىپ، تازىلاپ كەسلەپ، ئاپتاپتا قۇرۇتۇپ تەييارلىنىدۇ. دورىغا ھۆل ھالەتتىمۇ ئىشلىتىلىدۇ. شىنجاڭ ئۇيغۇر ئاپتونوم رايونىنىڭ تاغلىق جايلىرىدىكى تاغ باغرىنىڭ ئاپتاپ چۈشمەيدىغان يەرلىرىدە ئۆسىدۇ. قۇرۇق سوغۇق. قان توختىتىش ۋە بەدەننى قۇۋۋەتلەش خۇسۇسىيىتىگە ئىگە. ئەھۋالغا قاراپ 12 ~ 20 گرام ئەتراپىدا ئىشلىتىلىدۇ. 20 گرام غاز ئوتىنى قاينىتىپ ئىچىپ بەرسە، قان قۇسۇش، قان تۈكۈرۈش، سۈيدۈكتىن قان كېلىش ۋە بۇرۇن قاناشقا مەنپەئەت قىلىدۇ. 12 گرام غاز ئوتىنى 10 گرام نېلۇپەر يىلتىزسىمان غولىنىڭ بوغۇمى، 12 گرام كۆمۈرلەنگەن ئارچا يوپۇرمىقى، 20 گرام خام ئەگرىسۇنا بىلەن بىللە قاينىتىپ ئىچىپ بەرسە، بۇرۇن قاناش، سۈيدۈكتىن قان كېلىش، قان قۇسۇش ۋە قان تۈكۈرۈشكە مەنپەئەت قىلىدۇ. غاز ئوتىدىن 12 گرام، قورۇلغان تۇخۇمەك گۈلىدىن 10 گرام، كۆمۈرلەنگەن توشقانئوتىدىن 12 گرام، مامرانچىندىن سەككىز گرام، قۇستىدىن تۆت گرام ئېلىپ، سۇدا قاينىتىپ ئىچىپ بەرسە، تولغاق ۋە چوڭ تەرەتتىن قان كېلىشكە مەنپەئەت قىلىدۇ. 20 گرام غاز ئوتىنى 10 تال سوقا چىلان بىلەن بىللە سۇدا قاينىتىپ ئىچىپ بەرسە، قان ئازلىققا مەنپەئەت قىلىدۇ. ئۆسۈملۈك 龙乐草 lóng lè cǎoDئورمانچىلىق 皮刺隐花草 pí cì yǐn huā cǎoDئورمانچىلىق 龙牙草 lóng yá cǎoDئۇنىۋېرسال 龙牙草 lóng yá cǎoDباغۋەنچىلىك غاز ئوتى (سەي) 龙芽草 lóng yá cǎoDئورمانچىلىق 隐花草 yǐn huā cǎo