ئوتتوكار

دۇنيا تارىخى 鄂图卡二世 è tú kǎ èr shì (تەخمىنەن 1230 - 1278) يەنە پرېميسل Ⅱ دەپمۇ ئاتالغان. چېخىيە كورۇلى (1253 - 1278). تەختتە ئولتۇرغان مەزگىلدە ئاۋسترىيە، سىترىيە، كارىنسىيە ۋە كارىنولا (كرائىن دەپمۇ ئاتالغان) لارنى بويسۇندۇرۇپ، چېخىيىنى ئوتتۇرا ياۋروپادىكى چوڭ دۆلەتكە ئايلاندۇرغان. 1254، 1267 - يىللىرى تېوتون رىتسارلار پولكىنىڭ پرۇسسىيىلىكلەر ۋە لىتۋالىقلارغا قارشى سوقۇشىغا قاتناشقان. ھابىسبۇرگ جەمەتىدىن رۇدولف Ⅰ بىلەن مۇقەددەسر رىم ئىمپېرىيىسىنىڭ ئىمپېراتورلۇققا سايلىنىشىنى تالىشىش كۈرىشىدە مەغلۇپ بولغان. رۇدولف Ⅰ چېخ ئاقسۆڭەكلىرىنىڭ كورۇلغا بولغان نارازىلىقىدىن پايدىلىنىپ، ئوتتوكار Ⅱ گە قارشى لەشكەر تارتقان. 1278 - يىلى 8 - ئايدىكى بىر قېتىملىق جەڭدە ئوتتوكار Ⅱ مەغلۇپ بولۇپ ئۆلتۈرۈلگەن، ئۇ قوشۇۋالغان يەرلەر ھابىسبۇرگ جەمەتىگە تەۋە بولغان. دۇنيا تارىخى 鄂图卡一世 è tú kǎ yí shì (؟ - 1230) پرېمسل Ⅰ دەپمۇ ئاتالغان. چېخىيە كورۇلى (1198 - 1230). تەختتە ئولتۇرغان مەزگىلدە مۇنارخىيىلىك ھاكىمىيەتنى كۈچەيتىپ، ھەرقايسى چوڭ فېئودال خوجىلىق يەر ئىگىلىرىنى بويسۇندۇرغان؛ گېرمانلارنى چېخىيىگە كۆچۈشقە رىغبەتلەندۈرگەن ھەمدە چېخىيىدە <گېرمان قانۇنى> نى يولغا قويغان. 1216 - يىلى خوخېنستاۋفېن سۇلالىسىنىڭ ئىمپېراتورى فرېدرىخ Ⅱ نىڭ چېخىيە كورۇلى ئىكەنلىكىنى ئېتىراپ قىلغان.