ئات نېمىشقا ياتمايدۇ؟

رېۋايەتلەر بۇرۇنقى زاماندا، تۈلكە بىلەن بۆرە يېقىن دوستلاردىن ئىكەن. بۆرە تۈلكىنىڭ بالىلىرىنى يەپ كېتىدىكەن. شۇڭا، تۈلكە بۆرىدىن ئۆچىنى ئېلىش ئۈچۈن چارە ئىزلەپتۇ. ئۇ بىر كۈنى بۆرىگە : گۆش يېگۈڭ كەلدىمۇ؟ - دەپتۇ. قورسىقى ئېچىپ تۇرغان بۆرىگە راسا يېقىپتۇ ۋە ئالدىراپ: _ قېنى گۆش؟ - دەپ سوراپتۇ. تۈلكە: _ئەنە ئاۋا تاغنىڭ يېنىدا ياتقان ئاتنى كۆردۈڭمۇ؟ شۇ ئاتنىڭ قۇيرۇقىغا ئۆزۈڭنىڭ قۇيرۇقىنى چېتىپ قويۇپ يېگىن، -دەپتۇ. بۆرە خۇشاللىقىدا ئاتنىڭ يېنىغا يۈگۈرۈپ بېرىپتۇ -دە، ئۇنىڭ قۇيرۇقىغا ئۆزىنىڭ قۇيرۇقىنى باغلاپتۇ. شۇ چاغدا ئات چۆچۈپ ئويغنىپ كېتىپتۇ. ئۇ بۆرىنى سۆرەپ ئۇچقاندەك قېچىپتۇ. بۆرە تاشلارغا سوقۇلۇپ ئۆلۈپتۇ. شۇنىڭدىن كېيىن ئات ئۇخلىغاندا ئۆرە تۇرۇپ ئۇخلايدىغان بولۇپتۇ.