ئاپېلىسىن بىلەن ئالما

ئۇيغۇر خەلق مەسەللىرى قىزچاق ئاپېلىسىننىڭ پوستىنى ئاجرىتىۋىدى، ئىچىدىن تىلىم - تىلىم ئاپېلىسىن دانىلىرى چىقتى. قىزچاق ئۇنىڭدىن: - ئاپېلىسىن، سەن نېمە ئۈچۈن بۇنداق تىلىم - تىلىم بولۇپ كەتتىڭ؟ - دەپ سورىدى. - سېنىڭ مېنى كۆپچىلىك بىلەن بىللە بۆلۈپ يېيىشىڭ ئۈچۈن مانا مۇشۇنداق تىلىم - تىلىم بولۇپ يارالغانمەن، - دەپ جاۋاب بەردى ئاپېلىسىن. قىزچاق ئالمىدىن: - ئەي ئالما، سەن نېمە ئۈچۈن تىلىم - تىلىم بولماي، پۈتۈن بولۇپ قالغان؟ پەقەت مېنىڭ سېنى يالغۇز يېيىشىم ئۈچۈن مۇشۇنداق يارالغانمۇ؟ - دەپ سورىدى. - ياق! - دېدى ئالما جاۋاب بېرىپ، - مېنى باشقىلارغا پۈتۈن پېتى تەقدىم قىلسۇن دەپ، مۇشۇنداق پۈتۈن يارالغانمەن.