ئەڭ چوڭ كىنو شەھىرى

دۇنيادىكى ئەڭلەر ئامېرىكىنىڭ دۇنياغا داڭقى چىققان ھوللېۋۇد كىنو شەھىرى دۇنيا جامائەتچىلىكى ئېتىراپ قىلغان ئەڭ چوڭ كىنو شەھىرىدۇر. بۇ شەھەر ئامېرىكىنىڭ غەربىي دېڭىز قىرغىقىدىكى تىنچ ئوكيانغا ياندىشىپ تۇرغان لوس - ئانجىلىس شەھىرىنىڭ غەربىي شىمالىغا جايلاشقان. پۈتۈن ھوللېۋۇد كىنو شەھىرى ئاساسەن جەنۇبىي ھوللېۋۇد شەھىرى، غەربىي ھوللېۋۇد شەھىرى، شىمالىي ھوللېۋۇد شەھىرى ۋە بۇرمنىك شەھىرى دەپ تۆت رايونغا بۆلۈنگەن. 20 - ئەسىردە، ئامېرىكىدىكى فوكس، مىگاۋمې، كولومبىيە، ۋاننا، قوشما شىتاتلار ئامېرىكىسى، پلامىن، يەرشارى ۋە رېنىۋۇ دەپ ئاتالغان سەككىز چوڭ فېلىم شىركىتى ۋە ئۇلارغا قاراشلىق كىنوسىتۇدېيىسى، كىنو لېنتىلىرىنى ئىشلەش زاۋۇتى ۋە كىنو مېخانىزم زاۋۇتى قاتارلىق كىنو سەنئىتى سانائىتىنىڭ مۇتلەق كۆپى مۇشۇ جايغا مەركەزلەشكەن. ھازىرقى ۋاقىتتا تېلېۋىزىيە راۋاجلانغانلىقتىن، ھوللېۋۇد كىنو شەھىرىدە يەنە كولومبىيە رادىئو شىركىتى قاتارلىق ئۈچ تېلېۋىزور ئىستانسىسى قۇرۇلدى. ئۇلارنىڭ لېنتا ئىشلەش مەركىزى ياكى ئىجارىگە ئالغان كىنو ستودىيىلىرى بولۇپ، كىنو سىتودىيىسى بىلەن تېلېۋىزور ئىستانسلىرى جانلىق باغلانغان، ھوللېۋۇد كىنو شەھىرى ئۆز كۆلىمىنىڭ چوڭلۇقى بويىچە دۇنيادا ھەقىقەتەنمۇ بىرىنچى ئورۇندا تۇرىدۇ. ھوللېۋۇد كىنو شەھىرىنى مۇھاجىرلار قۇرغان. دۇنيانىڭ بۇ ئىستىراھەت «ئىمپېرىيە» سى - ھوللېۋۇد كىنو شەھىرىنى بەرپا قىلغان ئاتاقلىق ئەربابلارنىڭ ھەممىسى دېگىدەك چەت ئەللەردىن بارغان مۇھاجىرلاردۇر.