دېكستران

بىئولوگىيە 葡聚糖 pújùtáng <نۇرنى ئوڭغا بۇرىغۇچى گلۇكوزىد> مۇ دېيىلىدۇ. نۇرنى ئوڭغا بۇرايدىغان بىر خىل گلۇكوزىنىڭ گلۇكوزىد بېغى ئارقىلىق تۇتىشىشىدىن ھاسىل بولغان پولى ساخارىد بولۇپ، ئۇنىڭ ئاساسىي زەنجىرى a ـ 1، 6 - گلۇكوزىد بېغى (95 پىرسەنتنى ئىگىلەيدۇ) بويىچە، تارماق زەنجىرى a - 1, 3 _ گلۇكوزىد بېغى (5 پىرسەنتنى ئىگىلەيدۇ) بويىچە تۇتىشىدۇ. بەزى مىكرو ئورگانىزملار، بولۇپمۇ Leuconostoc mesenteroides نى ساخاروزىلىق ئۆستۈرگۈچتە تۇرغۇزۇپ، ئۆستۈرۈشتىن توختىتىلسا، ئېچىپ مولېكۇلا ئېغىرلىقى يۇقىرى (مولېكۇلا ئېغىرلىقى 300 × 10 6 - 10 دالتونغىچە تارقالغان) بولغان قويۇق يېپىشقاق ساخاران ماددىسى ھاسىل بولىدۇ، ئۇنى سۇيۇق كىسلاتادا قىسقارتىپ، ئاندىن كېيىن ئىسپىرتتا دەرىجىلەرگە بۆلۈپ چۆكتۈرۈلسە، ئوتتۇرىچە مولېكۇلا ئېغىرلىقلىرى ئوخشىمايدىغان دېكسترانغا ئېرىشكىلى بولىدۇ. فىزىئولوگىيىلىك تۇز سۈپىتىدە ئېرىتىلسە، قان پلازمىسىنىڭ ئورنىدا ئىشلەتكىلى بولىدۇ. دېكستران كېسىشتۈرۈپ باغلىغۇچى 1 - خلورو 2 -، 3 - ئىپوكسى پروپان بىلەن ئېستېر بېغى ئارقىلىق ئۆز ئارا كېسىشىپ باغلىنىپ، تورسىمان تۈزۈلۈشلۈك ماددىنى ھاسىل قىلىدۇ. مانا بۇ دېكستران يېلىمىدۇر. ئۇنىڭ تور تۆشۈكچىلىرىنىڭ چوڭ - كىچىكلىكى كېسىشتۈرۈپ باغلىغۇچى بىلەن دېكستراننىڭ تەڭشىلىش نىسبىتى ئارقىلىق بولىدۇ، ئوخشىمايدىغان تىپتىكى دېكستران يېلىمىدىن پايدىلىنىپ، مولېكۇلىسىنىڭ چوڭ - كىچىكلىكى ئوخشىمايدىغان ماددىلار ئايرىۋېلىنىدۇ ۋە ساپلاشتۇرۇلىدۇ. يەنە چوڭ مولېكۇلىلىق بىرىكىملەرنىڭ مولېكۇلا ئېغىرلىقىنى ئېنىقلاش، چوڭ مولېكۇلىلىق ئېرىتمىلەرنى تۇزدىن ئاجرىتىش ۋە قويۇلدۇرۇش قاتارلىقلاردا ئىشلىتىلىدۇ. خىمىيە 葡聚糖 pú jù tángDتېببىي 右旋糖酐 yòu xuán táng gān