چەكلەش سىياسىتى

دۇنيا تارىخى ئامېرىكا ئىككىنىچى دۇنيا ئۇرۇشىدىن كېيىن يولغا قويغان بىر خىل دىپلوماتىيە سىياسىتى. 1947-يىلى ئامېرىكىنىڭ دىپلوماتىك ئەمەلدارى كېننان (1904 -) ئوتتۇرىغا قويغان. ئۇ سوتسىيالىستىك دۆلەتلەرگە تاقابىل تۇرۇشتا <قارشىلاشقۇچى كۈچنى جانلىق ۋە ھوشيارلىق بىلەن قوللىنىش ئارقىلىق چەكلەش> لازىملىقىنى تەشەببۇس قىلغان، ئۇنىڭ كونكرېت ئىپادىسى ھەربىي جەھەتتىن مۇھاسىرىگە ئېلىش، ئىقتىسادىي جەھەتتە قامال قىلىش، سىياسىي جەھەتتە ئاغدۇرمىچىلىق قىلىش ۋە قىسمەن جايلارغا قوراللىق مۇداخىلە يۈرگۈزۈش ۋە ئۇدا سىياسىي سوغۇق مۇناسىۋەتلەر ئۇرۇشى قىلىش ئارقىلىق، سوتسىيالىستىك دۆلەتلەرنىڭ تەرەققىياتىنى ۋە تەسىرىنى چەكلەپ، ئامېرىكىنىڭ ياۋروپا ۋە باشقا رايونلارغا بولغان كونتروللۇقىنى كۈچەيتىش قاتارلىقلاردىن ئىبارەت. بۇ سىياسەت تروممىن، ئېيزىنخائۇئىر زۇڭتۇڭ بولغان مەزگىلدىكى ئامېرىكا دىپلوماتىيە فاڭجېنىغا بەلگىلىك تەسىر كۆرسەتكەن.