بوۋاقلىق مەزگىلى دېگەن نېمە؟ قانداق ئالاھىدىلىكى بار؟

نېمە ئۈچۈن بوۋاقلىق مەزگىلى كەڭ مەنىلىك ۋە تار مەنىلىك بوۋاقلىق دەپ ئىككى خىل بولۇپ، كەڭ مەنىلىك بوۋاقلىق مەزگىلى تۇغۇلۇپ بىر ياشقا تولغىچە بولغان (يېڭى تۇغۇلغان بوۋاق مەزگىلىنىمۇ ئۆز ئىچىگە ئالىدۇ) مەزگىلنى، تار مەنىدىكى بوۋاقلىق مەزگىلى يېڭى تۇغۇلغان بوۋاق مەزگىلى (تۇغۇلۇپ كىندىكى باغلانغان ۋاقىتتىن تارتىپ 28 كۈنلۈك بولغۇچە ئارىلىق) ئاخىرلاشقاندىن باشلاپ بىر ياشقا تولغىچە بولغان مەزگىلنى كۆرسىتىدۇ. بوۋاقلىق مەزگىلى (يېڭى تۇغۇلغان بوۋاق مەزگىلىنىمۇ ئۆز ئىچىگە ئالىدۇ) بولسا بوۋاق تۇغۇلغاندىن كېيىنكى ئۆسۈپ يېتىلىشى ئەڭ تېز بولىدىغان مەزگىل بولۇپ، كۆپ مىقداردا ئوزۇقلۇق ۋە ئىسسىقلىققا موھتاج، بولۇپمۇ ئاقسىلغا بولغان ئېھتىياجى ئىنتايىن يۇقىرى. لېكىن بۇ مەزگىلدە بوۋاقنىڭ ھەزىم قىلىش، سۈمۈرۈش ئىقتىدارى مۇكەممەل بولمىغانلىقتىن ئاسانلا ھەزىم قىلىش ۋە ئوزۇقلۇق ئىقتىدارى قالايمىقانلىشىش يۈز بېرىدۇ. شۇڭا، بۇ مەزگىلدە ئانا سۈتى بىلەن بېقىش ۋە مۇۋاپىق ئوزۇقلاندۇرۇشنى بىرلەشتۈرۈش ئىنتايىن مۇھىم. شۇنداقلا بۇ مەزگىلدە بوۋاقنىڭ ئىممۇنىتېت كۈچى ئاجىزراق بولۇپ، پىلانلىق ھالدا ۋاكسىنا ئەملەش كېرەك.