بول

ئاھاڭداش سۆزلەر پېئىل. بولماق، بولۇش. خېمىرنى ئېچىتقۇنىڭ ياردىمى بىلەن ئېچىتماق. مانتىغا خېمىر يۇغۇرۇپ قويۇۋىدىم. تازا ئوبدان بولۇپتۇ، ئەمدى تۈگەيلى. 2 . يۈز بەرمەك. بۇ ۋەقە بۇلتۇر بولغان. * بولغۇلۇق بولۇپ بولدى. 3 . ۋەزىپە، ئۇنۋانغا ئىگە بولماق. ئۇ نازىر بولۇپتۇ. * باھار باش تەرجىمان بولغان. * سىز كىم بولۇپ ئىشلەيسىز؟ 4 . ئۆسمەك، ئاينىماق، ئوخشىماق. بۇ يىل بۇغداي تازا بولدى. * ئۆرۈك ئوبدان بولدى. 5 . تېز پۈتتۈرۈش، تېز ھەرىكەت قىلىشقا دالالەت قىلىپ، بۇيرۇق رايىدا ئېيتىلىدۇ. بول، ئىشقا كېچىكىپ قالىسەن. * بولۇڭلار ئەمدى كېتەيلى. ئاھاڭداش سۆزلەر ياردەمچى پېئىل. 1 . باغلامچى. بەزى ئىسىملارنى پېئىللاشتۇرىدۇ. جەم بولماق، خاپا بولماق، تامام بولماق. * چوڭ بولماق، ھەيران بولماق. «پ» لىك رەۋىشداشلارغا قوشۇلۇپ كېلىپ، ئۇلارنىڭ تۈگىگەنلىكىنى بىلدۈرىدۇ. يېزىپ بولماق، كېلىپ بولماق، ئوقۇپ بولماق. * يىغلاپ بولدۇڭمۇ؟ * چىراغ ئۆچۈپ بوپتۇغۇ! كېتىدىغانلار كېتىپ بولدى، كېلىدىغانلاركېلىپ بولدى. 3 . سۈپەتداشلارغا قوشۇلۇپ، ئۇلارنىڭ ئىشقا ئاشقانلىقىنى بىلدۈرىدۇ. ئۇلار ھازىر كۈندە كۆرىشىدىغان بولدى. * ئۇنىڭ كۆزى ساقايدى، كۆرىدىغان بولدى. 4 . چىقىش كېلىشتە تۈرلىنىپ كەلسە، تۇغۇلماق، دۇنياغا كەلمەك مەنىسىنى بىلدۈرىدۇ. مەن قەشقەردىن بولىمەن. * ئۇ ھارامدىن بولغان جاجىسىنى يېمەي قالمايدۇ.