بوغۇم (ئۈگە)

بىئولوگىيە 关节 guānjié ئىككى سۆڭەك ئۆزئارا تۇتاشقان ئورۇن. ئۇ ئىككى خىل بولىدۇ؛ بىرخىلى قوزغالماس ئۈگە (بوغۇم)، ئىككى سۆڭەك ئۆزئارا تۇتاشقاندىن كېيىن ئۆزلۈكىدىن قايتا ھەرىكەتلىنەلمەيدۇ. مەسىلەن باش سۆڭىكىدىكى سۆڭەك پارچىلىرىنىڭ تۇتىشىشى ۋە بەل باغلىمىدىكى ھەرقايسى سۆڭەكلەرنىڭ ئۇلىنىشى. ئىككى سۆڭەك چېگرىسىدا ياكى بىرىكتۈرگۈچى توقۇلما ياكى بىر قەۋەت كۆمۈرچەك بولىدۇ ياكى سۆڭەك بىلەن سۆڭەك بىۋاسىتە تۇتىشىدۇ. ھايۋان ئۆسۈپ چوڭايغاندىن كېيىن، سۆڭەك ئارىسىدىكى چېگرا دەز يوقىلىدۇ. يەنە بىرخىلى ھەرىكەتچان ئۈگە (بوغۇم) بولۇپ، ئىككى سۆڭەك ئۆزئارا تۇتاشقاندىن كېيىن يەنىلا ھەرقايسىسى ئۆزىنىڭ ھەرىكەتچانلىقىنى ساقلاپ قالىدۇ. مەسىلەن، مۈرە بوغۇمى. تۇتاشقان ئورۇندىكى سۆڭەك ئۇچىنى ئادەتتە كۆمۈرچەك قوغداپ تۇرىدۇ. قوشنا كۆمۈرچەكلەر ئارىسىدا سىلىقلاشتۇرغۇچى سۇيۇقلۇق خالتىسى بولۇپ، سىلىقلاشتۇرغۇچى سۇيۇقلۇققا تولغان بولىدۇ. بۇ سۆڭەك ئۈگىسىنىڭ ھەرىكىتىگە پايدىلىق. ئىككى سۆڭەك تېگىشكەن ئورۇندا سىڭىر (پەي) لەر مەھكەم تارتىشىپ تۇرىدۇ ھەمدە قوغداش رولىنى ئوينايدۇ. ھەرىكەتچان ئۈگىلەر (بوغۇملار) ئەگەر ھەددىدىن زىيادە ھەرىكەت قىلسا ياكى سىرتتىن قاتتىق زەخىملىنىشكە ئۇچرىسا سۆڭەك بېشى ئورنىدىن قوزغىلىپ كېتىدۇ ئۇ ئۈگە چىقىقى (چىقىق) دەپ ئاتىلىدۇ.