闭壳龟

بىئولوگىيە ھىم ياپقۇچلۇق تاشپاقا يەر باغىرلىغۇچىلار سىنىپىنىڭ تاشپاقىلار ئەترىتى، تاشپاقا ئائىلىسىگە كىرىدۇ. ئۇنىڭ قورساق ساۋۇتى بىلەن دۈمبە ساۋۇتىنىڭ ئىككى يېنى پەيلەر ئارقىلىق ئۆزئارا تۇتاشقان، قورساق ساۋۇتىنىڭ ئوتتۇرىسىدىكى توغرىسىغا كەتكەن پەي - سىڭىر ھەرىكەتلىنەلەيدىغان بولۇپ، خەۋپكە دۇچ كەلگەندە باش، قۇيرۇق ۋە تۆت پۇتىنى ئىككى ساۋۇتنىڭ ئارىلىقىغا يىغىپ كىرىپ قورساق ساۋۇتىنىڭ ئالدى - كەينى قىسىملىرى يۇقىرىغا قاراپ ھىملىشىۋالىدىغان بولغاچقا شۇنداق نام ئالغان. دۈمبە ساۋۇتىنىڭ ئۇزۇنلۇقى تەخمىنەن 17 سانتىمېتىر، كەڭلىكى 13 سانتىمېتى، ئالدى - كەينى پۇتلىرىنىڭ دۈمبە تەرىپى زەيتۇن رەڭلىك، قورساق تەرىپى سېرىق داغ ئارىلاش قارا رەڭلىك بولىدۇ. تۆت پۇتى سەل ياپىلاقراق، بارماقلىرى ئارىسىدا ئۈزگۈچ پەردىسى بار، چوققىسىنىڭ ئالدى سىلىق. سۇدا ياشاپ بېلىق، راك، سازاڭ قاتارلىقلار بىلەن ئوزۇقلىنىدۇ. مەملىكىتىمىزنىڭ گۇاڭدۇڭ، گۇاڭشى قاتارلىق ئۆلكىلىرىگە تارقالغان. كۆپ ئۇچرايدىغان تۈرلىرىدىن ئۈچ سىزىقلىق ھىم قاپچۇقلۇق تاشپاقا (دۈمبە ساۋۇتىدا ئۇزۇنىغا كەتكەن ئۈچ يول قارا سىزىقى بولىدۇ) يۈننەن ھىم قاپچۇقلۇق تاشپاقىسى (دۈمبە ساۋۇتىد ئۇزۇنىغا كەتكەن سىزىقى يوق) سېرىق گىرۋەكلىك ھىم قاپچۇقلۇق تاشپاقا ۋە خەينە ھىم قاپچۇقلۇق تاشپاقىسى بار. ئۇ ئىستېمال قىلىنىدىغان تاشپاقىلارنىڭ بىر خىلى بولۇپ، سۆڭەك پلاستىنكىسىنى دورا قىلىشقا بولىدۇ.