بەش جۇلۇق پۇل

ئۆلچەم بىرلىكلىرى 五铢钱 wǔ zhū qián بەش جۇلۇق پۇل - جۇڭگونىڭ قەدىمكى زامان تارىخىدا ئەڭ ئۇزاق ۋاقىت، ئەڭ كۆپ مىقداردا ئوبوروت قىلىنغان مىس پۇلنىڭ نامى بولۇپ، ئۈستىگە <بەش جۇ> دېگەن خەت بېسىلغان. بۇ پۇل ئەڭ دەسلەپ ىەن سۇلالىسى دەۋرىدە تارقىتىلىپ تاڭ سۇلالىسى دەۋرىدە (621 - يىلى) ئەمەلدىن قالدۇرۇلغان. ئەمما خەلق ئارىسىدا ئۇزۇن يىللارغىچە داۋاملىق ئوبوروت قىلىنغان. شىنجاڭنىڭ ھەر قايسى جايلىرىدىكى قەدىمكى ئىزلاردىن بۇ خىل پۇل كۆپلەپ تېپىلغان، ھەتتا مارالبېشىدىن مۇشۇ خىل پۇلنى قۇيۇشتا ئىشلىتىلىدىغان پۇل قېلىپى تېپىلغان. دېمەك، قەدىمكى شىنجاڭدىمۇ بۇ پۇل ناھايىتى كەڭ ئوبوروت قىلىنغان.