بالىلارنىڭ ھەسەتخورلۇق پسىخىكىسىغا قانداق توغرا يېتەكچىلىك قىلىش كېرەك؟

نېمە ئۈچۈن ھەسەتخورلۇق پسىخىكىسىنىڭ بالىلارنىڭ روھى ۋە جىسمانىي جەھەتتىكى كەلتۈرىدىغان خەۋپىنىڭ ئالدىنى ئېلىش ئۈچۈن ئاتا - ئانىلار چوقۇم توغرا يېتەكچىلىك قىلىشى، ئالدى بىلەن، بالىغا ھەسەتخورلۇق پسىخىكىسىنىڭ زىيانلىق ئىكەنلىكىنى، بۇ خىل پسىخىكا ئادەمنىڭ نورمال كەيپىياتىغا تەسىر قىلىپلا قالماستىن تەن سالامەتلىكىگىمۇ خەۋپ ئېلىپ كېلىدىغانلىقىنى چۈشەندۈرۈشى، ئۇنىڭدىن باشقا، بالىلاردا ئۆز - ئۆزىنى تونۇتۇش ئىقتىدارىنى تۇرغۇزۇپ، تېخىمۇ ئەتراپلىق ھالدا ئۆزىنى ۋە باشقىلارنى تونۇش، شۇنداقلا بالىلارغا ھەربىر ئادەمنىڭ ئارتۇقچىلىقى ۋە يېتەرسىزلىكى بولىدىغانلىقى، ھەربىر ئادەمنىڭ ئىقتىدارى چەكلىك بولىدىغانلىقى، ئۆزىنىڭ ھەرقانداق ئادەمدىن كۈچلۈك بولۇشنىڭ ناتايىنلىقى، بىراق ئۇنىڭ نۇرغۇنلىغان ئارتۇقچىلىقى بارلىقىنى، مەلۇم جەھەتلەردە باشقىلاردىن ئۈستۈن تۇرىدىغانلىقىنى ئىلمىي ھالدا توغرا چۈشەندۈرۈش كېرەك. مۇشۇنداق قىلغاندا بالىلارغا پسىخىكا جەھەتتە تەڭپۇڭ ھالەتنى پەيدا قىلىپ، ھەسەتخورلۇق پسىخىكىسىنى يېڭىشقا پايدىسى بولىدۇ. يەنە بالىنىڭ ئۆز - ئۆزىگە ئىشىنىشى ۋە نورمال رىقابەت ئېڭىنى قوزغاش، ھەرگىزمۇ باشقىلار ئالدىدا بالىسىغا سەن باشقىلارغا يېتەلمەيسەن دەپ تەربىيە بەرمەسلىك كېرەك. بولمىسا بالىلارنىڭ غۇرۇرى ۋە ئىشەنچىگە تەسىر يېتىدۇ، بالىنى كۆپرەك ئىلھاملاندۇرۇپ، بالىنىڭ ئۆزىنىڭ كۈچ - قۇدرىتىنى تونۇتۇش لازىم. بۇ ھەسەتخورلۇق پسىخىكىسىنى يوقىتىدىغان ياخشى ئامال، ئاخىرىدا بالىلاردا شوخ، جۇشقۇن، كۆكسى - قارنى كەڭ، باشقىلارغا ياردەم بېرىشنى خۇشاللىق دەپ قارايدىغان پسىخىكىنى پەيدا قىلىش كېرەك. مۇشۇنداق قىلغاندا بالىلاردا ھەسەتخورلۇق پسىخىكىسى پەيدا بولۇشنىڭ ئالدىنى ئېلىپ، بالىلارنىڭ روھى ۋە جىسمانىي جەھەتتە ساغلام ئۆسۈپ يېتىلىشىگە كاپالەتلىك قىلغىلى بولىدۇ