阿拉伯国家首脑会议

دۇنيا تارىخى ئەرەب ئەللىرى باشلىقلىرى كېڭەشمىسى ئەرەب ئەللىرى بىرلەشمىسىنىڭ ئالىي كېڭەشمىسى. بىرىنچى قېتىملىق يىغىنى 1964-يىلى 1-ئايدا قاھىرەدە ئېچىلغان. يىغىندا ئىسرائىلىيىنىڭ ئىئوردانىيە دەرياسنىڭ يولىنى زورلۇق بىلەن ئۆزگەرتكەنلىكى ئەيىبلەنگەن ھەمدە ئەرەب بىرلەشمە قوماندانلىق شتابى قۇرۇش، پەلەستىن دۆلىتى قۇرۇش قاتارلىق مەسىلىلەردە قارار چىقارغان. شۇ يىلى 9-ئايدا مىسىرنىڭ ئىسكەندىرىيە پورتىدا ئىككىنچى قېتىملىق يىغىن ئېچىپ، پەلەستىن ئازادلىق تەشكىلاتىنىڭ قۇرۇلغانلىقىنى بىردەك قوللىغان. ئۈچىنچى قېتىملىق يىغىنى 1965-يىلى 9-ئايدا ماراكەشنىڭ كاسابلانكا (داربېدا) شەھىرىدە ئۆتكۈزۈلۈپ، <ئەرەب ئىتتىپاقلىق ئەھدىنامىسى> ئىمزالانغان. 1982-يىلى 9-ئايغىچە جەمئىي 12 قېتىم يىغىن ئۆتكۈزگەن. 1982-يىلىدىكى 12-قېتىملىق يىغىنىنىڭ ئاخىرقى خىتابنامىسىدە پەلەستىن ۋە ئوتتۇرا شەرق مەسىلىسىنى ھەل قىلىش توغرىسىدىكى سەككىز تۈرلۈك پرىنسىپ ئوتتۇرىغا قويۇلغان. يىغىنغا ئەرەب ئەللىرى بىرلەشمىسىگە ئەزا دۆلەتلەرنىڭ باشلىقلىرى ياكى ھۆكۈمەت باشلىقلىرى قاتناشقاندىن باشقا يەنە پەلەستىن ئازادلىق تەشكىلاتىنىڭ رەھبەرلىرىمۇ قاتناشقان.